Мьянмада әскери хунтаға қарсы шеруді тарату кезінде 100-ден астам адам қаза тапты

Мьянма қауіпсіздік күштері әскери хунтаға қарсы шыққан демонстранттарға бүгін де оқ жаудырып, 1 адамды мерт қылды. Тағы бір бала жараланған. Ал, сенбі күні дәл осындай шеруді күшпен тарату кезінде 114 тұрғын жан тәсілім етті. 

Бұл қантөгіске ашынған АҚШ Мемлекеттік департаменті Мьянма билігін «террор патшалығы» деп атады. Ал, Біріккен Ұлттар Ұйымының Қауіпсіздік кеңесі елдегі жағдайға байланысты жабық отырыс өткізуі мүмкін.

Мьянмада хунта демократиялық үкіметті ақпанның 1-де құлатты.Содан бері сан мың адам бұрынғы билікті қайтаруды талап етіп, ауқымды шерулерді тоқтатпай отыр.

Арыстан Рысбек