Өнерді серік еткен отбасы

Иә, сағындырған Наурыз мерекесіне де жеттік. Ұлттық дәстүрдің қайнарларына осы күндері ғана емес, жыл он екі ай бойлайтын отбасылар бар. «Өмірім - менің өнерім» дейтін жандар. Мысалы, Болатбек Бейісбековтің шаңырағы. Әулетте Қазақстан Суретшілер одағының жеті мүшесі, Қазақстан Қолөнершілер одағының бес мүшесі бар. Олардың ата-бабалары қолөнермен айналысқан, бұл әулеттің өнердегі өз жолы, өзінің дара стилі, өзіндік қолтаңбасы қалыптасқан. Бейісбековтер сурет салып, түскиіз тоқиды, жүннен кілем, былғарыдан бұйым жасайды.

«Адамның ниеті мен ынтасы болса, істеген жұмысын жақсы көріп тұрса, кез келген шаруа қиынға соқпайды. Керісінше, істеген сайын шабыттана түсесіз. Жұмысыңыз жақсы шығып, халық оны бағалап жатса, туындыны одан да жақсы жасауға тырысасыз» - деген Болатбек Бейісбек. 

Бұл негізі кез келген салада солай. Жұмысыңды өліп-өшіп істегеннен алатын ләззат көп жоқтың орнын толтырады, сынып кетпеуге сеп... Өмірі-өнер отбасының шаңырағын Ғани Қалмахан мен Нұрлан Нұрбек түсірген.