Жаңалықтарды Telegram арнамыздан оқыңыз!Арал теңізінің солтүстігіндегі Кіші Арал жылдан жылға тартылып барады. Қазір су қоры 22 млрд текше метр. Былтырға қарағанда 5 млрдқа азайған. Кіші Аралға құятын Сырдарияның суын пайдалану қарқыны осылай қала берсе, 7 жылда Кіші Аралдың солтүстік беті құрғап, экологиялық апатқа ұшырайды. Сенаторлар теңіздің тағдырына алаңдап, Үкімет басшысына депутаттық сауал жолдады. Көрші елдермен су дипломатиясын белсенді жүргізу және тиісті заңдарға өзгертулер енгізу мәселелерін көтерді.
Мұрат Бақтиярұлы, ҚР Парламенті Сенатының депутаты:Осыдан 17 жыл бұрын қабылданған Еліміздегі су ресурстарын басқару заңы қазіргі талаптарға жауап бере алмайды. Сондықтан суды пайдаланудың жаңа тұжырымдамасы жасалып, ол тек суға қажеттілікті реттеп қоймай, су нысандарымен байланысты табиғи экожүйелерді сақтап, суды үнемдеуге ынталандыру үшін тұтыну саласындағы тарифтерді қайта қарап, озық технологияларды енгізуге мұрындық болуға тиіс.
Нысаналы Ығыл
