Жаңалықтарды Telegram арнамыздан оқыңыз!Педагогикалық мамандықтарға түсу үшін шекті балл 75-ке дейін көтерілді. Бұл туралы Үкімет отырысында Білім және ғылым министрі Асхат Аймағамбетов айтты.
«Кадрлар дайындау деңгейін арттыру мақсатында жоғары оқу орындарына қабылдау талаптары күшейтілді. Педагогикалық мамандыққа мықты түлектерді ғана қабылдау үшін ҰБТ-ның шекті балы 50-ден 75 баллға дейін көтерілді. Ал осы мамандыққа түсуді ынталандыру үшін болашақ педагогтарға төленетін стипендия 42 мың теңгеге дейін артты», - деді министр.
Сондай-ақ оның айтуынша, 2021 жылдан бастап педагогикалық мамандық бойынша жұмысқа алғаш рет тұратындар кәсіби шеберлігі бойынша сертификаттаудан өтеді. Жалпы, педагогтер жұмысқа конкурс арқылы қабылданады. Конкурс толығымен электрондық форматта жүреді.
