«Қамқорлық» инклюзияны қолдау орталығынан 200 бала емделіп шықты

Таразда «Қамқорлық» инклюзияны қолдау кабинеттері мен оңалту орталығынан 200 ге жуық бала көмек алды. Олардың ішінде ерекше білім беруді қажет ететін 22 бала өз құрдастарымен бірге мектепке бара бастады. Елбасының «Қамқорлық» бастамасымен былтыр ашылған оңалту орталығы жыл сайын 600-ге жуық нейро-ортопедиялық және церебралды сал ауруы бар балаларды тегін қабылдайды. Қазір мұнда 80 бала ем алып жатыр. Бүгін орталыққа арнайы келген Нұрсұлтан Назарбаев қорының директоры Дариға Назарбаева орталықтың жұмыс барасымен танысып, ата-аналармен және балалармен сұхбаттасты. Жалпы, бұл бастама жылына бес мың баланы оңалтуға мүмкіндік береді.