Басты Жаңалықтар Қазақстан халқы Ассамблеясы Тәуелсіздіктің 30 жылдығына арнап жиын өткізді

Қазақстан халқы Ассамблеясы Тәуелсіздіктің 30 жылдығына арнап жиын өткізді

01.03.2021 20:00

Тәуелсіздіктің 30 жылдығы мен Алғыс айту күнінің 5 жылдығына орай Қазақстан халқы Ассамблеясы дөңгелек үстел ұйымдастырды. Шараға Мемлекеттік хатшы Қырымбек Көшербаев, Ақпарат және қоғамдық даму министрі Аида Балаева, Қазақстан халқы Ассамблеясы Төрағасының орынбасарлары мен Ассамблея атынан сайланған Мәжіліс депутаттары қатысты. Жиында саяси қуғын-сүргін құрбандарын толығымен ақтау, қазақ тілінің ұлтаралық қатынас тілі ретіндегі мәртебесін көтеру мәселелері талқыланды. Сондай-ақ, дөңгелек үстел аясында «Тұңғыш Президент жолымен – бейбітшілік пен келісімге 30 жыл» атты халық экспедициясы» жобасының, «Қайырымдылық керуені: 30 игі іс» қайырымдылық марафонының тұсаукесері өтті.

Қырымбек Көшербаев, ҚР Мемлекеттік хатшысы:
Этносаралық келісім, қоғамдық бейбітшілік пен тұрақтылық Тұңғыш Президент Нұрсұлтан Назарбаевтың мызғымас үш ұстанымына және саяси философиясының берік тұғырына айналды. Елбасының осы сарабдал саяси ұстанымын бүгінгі таңда Мемлекет басшысы Қасым-Жомарт Тоқаев терең пайыммен, орнықты бағытпен, тағлымы мол сабақтастықпен дәйекті түрде жалғастырып отыр.

Ақниет Балтанова

Автор

Ақниет Балтанова

Бөлісу