Қызылордада болған атыстан жарақаттанған 18 жастағы жігіт қайтыс болды

Қызылорда қаласында болған атыста оқ тиіп, жарақаттанған 18 жастағы жігіт қайтыс болды. Дәрігерлердің айтуынша, ол ауруханаға өте ауыр жағдайда жеткізілген. Оқ іш қуысына терең өтіп кеткен, ішкі ағзалары зақымданған, 4-дәрежелі геморрагиялық шок диагнозы қойылған. Науқасқа шұғыл түрде операция жасалды. Бірақ, бозбаланың өмірін сақтап қалу мүмкін болмады. 

Нұржамал Тұрсынбаева, облыстық Денсаулық сақтау басқармасының ресми өкілі:

- Дәрігерлер баланың өмірімен арпалысты. Ота 3,5 сағатқа созылды. Бірақ, дәрігерлердің қанша еңбегіне қарамастан, ішкі ағзаларының бүлініп кетуіне байланысты бала қайтыс болды

Ақерке БЕРІКБЕКҚЫЗЫ