Қызылорда облысына 271 млрд теңге инвестиция тартылады

Сыр өңірінің 2023 жылға дейінгі «Экономикалық даму картасы» әзірленді. Аймақ үшін маңызды бағдарлама аясында 271 миллиард теңге инвестиция тартылмақ. Бұл туралы облыс әкімі Гүлшара Әбдіқалықова халық алдындағы есепті кездесуінде мәлімдеді.

Былтыр пандемияға қарамастан халықтың әл-ауқатын жақсарту бағытында ауқымды шаралар атқарылды. «Жұмыспен қамту жол картасы» бағдарламасымен 40 миллиард теңгенің 291 жобасы жүзеге асырылып, мыңнан аса жұмыс орындары ашылды. Сондай-ақ Үкімет тарапынан тартылатын инвестиция көлемі 297 миллиардқа дейін ұлғайтылды.

Гүлшара Әбдіқалықова, облыс әкімі:

Біз өткен жылы өңірдің 2023 жылға дейінгі «Экономикалық даму картасын» қабылдадық. Картада 271 млрд теңгені құрайтын 265 маңызды жоба бар. Бүгінгі күні жалпы құны 7 млрд теңгені құрайтын 89 жоба өз жұмысын бастап кетті.

Әділбек Серікұлы