Жаңалықтарды Telegram арнамыздан оқыңыз!Екінші деңгейдегі банктер, микроқаржылық ұйымдар мен сақтандыру компанияларына 127 млн теңгеден аса айыппұл салынды. Қаржы нарығын реттеу агенттігі халықтың құқығы мен заңды мүддесін бұзғаны үшін 250-ден аса әкімшілік жаза қолданған. Агенттік заңсыздықты былтыр өткізген бақылау кезінде анықтады. Банктер азаматтың келісімінсіз кредиттік бюроларға ақпарат таратқан, рұқсатсыз кредиттік есеп алған. Осы әрекеті үшін оларға 38,8 млн теңгеге әкімшілік жаза қолданылды. Ал сақтандыру компаниялары соғылған көлікті тексерместен, келтірілген залалды есептеп шығарған. Мұндай заңсыз әрекетке барғаны үшін компаниялар 2 млн теңгеге жуық айыппұл төлейді.
Ақерке Бектас
