Ақтаулық полицей 12 жылға бас бостандығынан айырылды

Ақтаулық полицей 3 млн теңге пара алып, 12 жылға бас бостандығынан айырылды. Сондай-ақ, ол қатаң режимдегі түзету мекемесінде жазасын өтейді. Сотталушы Ақтау қалалық полиция басқармасы криминалдық полиция бөлімінің жедел уәкілі болып жұмыс істеген. Қызмет барысында ол қылмыстық топтың басшысынан «жезөкшелікпен және жеңгетайлықпен айналысуға қамқорлық көрсеткені үшін» пара алып келген.

Әли Абдуллов, Сыбайлас жемқорлыққа қарсы іс-қимыл агенттігі Маңғыстау облысы бойынша департаментінің аға тергеушісі:

-3 млн теңгені қылмыстық топтың басшысынан 6 ай уақыт ай сайын 500 мың теңге көлемінде алып отырған. Өзінің іс әрекетін жасыру мақсатында тумаластарының есеп картасына ақшаны аудартып отырған.

Аягөз Оралбайқызы