Жаңалықтарды Telegram арнамыздан оқыңыз!Петропавлда кішкентай қызын өлімші етіп сабады деген күдікпен 22 жастағы әйел ұсталды. Үш жастағы бала 17 қаңтар күні облыстық балалар ауруханасына ес-түссіз күйде жеткізілген. Есін әлі жиған жоқ. Бұл жайды полицейлерге емдеу мекемесінің қызметкерлері хабарлаған. Қыздың анасы бұған дейін сотқа тартылмаған, қазір уақытша ұстау изоляторында қамауда.
Азат Құсайынов, Тергеу басқармасы бастығының орынбасары:
Осы іс бойынша тергеу шаралары, сараптамалар жүргізіледі.
Ақмола облысына қарасты Қараөткел ауылында 2 жасар бала үстіне жиһазы құлап көз жұмды. Ата-анасы жұмыста болғандықтан сәби әжесімен қалған. Бала ойнап жүріп, ағаш жиһазды тартып қалса керек. Жедел-жәрдем келгенімен, бүлдіршінді аман алып қалу мүмкін болмады.
Сағындық Сәбитұлы
