Зейнетақы аннуитеті шартына өзгеріс енгізілді

Биылдан бастап зейнетақы аннуитетіне қатысты шарт жасасуға қажетті жеткілікті сома 6 млн 800 мың теңгеге дейін қысқарды. Бұрын 55 жаста зейнетке шығу үшін қорда 12 млн теңге болуы шарт еді. Шекті сома шамамен 5 млн теңгеге азайып отыр. Бұдан бөлек, сақтандыру компанияларымен келісімге отырған азаматтар да зейнетақы қорындағы қаражаттың бір бөлігін үй алуға, басқарушы компанияға аударуға, емделуге жұмсай алады. Жаңа ереже 2 қаңтарда бекітілген зейнетақымен қамтамасыз ету туралы заңда қаралды.  

Нәзия Әбдірахманова, Мемлекеттік аннуитеттік компанияның Нұр-Сұлтан қалалық филиалының директоры:   

-Ер азаматтар үшін 55 жастан, әйел азаматтар 52 жастан. Аннуитетті қолдану арқылы қазіргі жаңа заңнамаға сәйкес шекті соманы қалдырмауға мүмкіндігі бар. Шекті соманы зейнетақы қорында қалдырмай, толығымен шешіп алуға мүмкіндік бар.  

Ақерке Бектас