Еуропалық сарапшылар сайлауға жоғары баға берді

Пандемияға қарамастан Қазақстан сайлауды барлық санитарлық нормаларды сақтай отырып, сәтті өткізді. Еуропалық байқаушы Альберто Тюркстра осылай дейді. Брюссельден арнайы келген сарапшы елордағы бірнеше сайлау учаскелеріндегі саяси науқанды бақылаған болатын. 

Альберто Тюркстра, еуропалық байқаушы:
Қазір көп ел мынадай уақытта сайлауды, басқа да демократиялық процестерді өткізу қиын деп кейінге шегеріп жатыр. Ал Қазақстан пандемия кезінде де қауіпсіз сайлау өткізуге болатынын көрсетті. Бұл сайлауда партиялық тізімге әйелдер мен 29 жасқа дейінгі жастарға 30 пайыздық квотаның енгізілуі-керемет жетістік болды. Яғни, алдыңғы парламенттік сайлаумен салыстырғанда биыл әйел кандитаттардың үлесі 9 пайызға артқан. Қазақстан парламенттік сайлаудың заңдық базасын ЕҚЫҰ рекомендацияларына сәйкес өзгертіп, едәуір жетілдірген. 

Нұрсұлу Қасым