Ұлттық спорт түрлері мектепте оқытылады

30.12.2020

Ұлттық спорт түрлері мектепте дене шынықтыру сабағының міндетті компоненті ретінде оқытыла бастайды. Осындай толықтыру енгізілген заң жобасы Мемлекет басшысына қол қоюға жіберілді. Бұл аталған спорт түрін жасөспірімдер арасында кеңінен насихаттауға серпін береді дейді салалық қауымдастықтың өкілдері. Құжат қабылданған соң ұлттық спорт түрлері пән ішіне кезең-кезеңімен еніп отырады.  

Рахат Жақсыбай, ҚР ұлттық спорт қауымдастығының атқарушы директоры: 
-Алғашқы кезеңде ең жеңіл, материалдық базаны қажет етпейтін ойын түрлері мектеп бағдарламасында міндетті болады. Ол тоғызқұмалақ, асық ату деген ойындар. Екінші кезеңде материалдық база, инвентары орта деңгейдегі ойындар қосылады, мысалы садақ ату. Көкпар, аударыспақ, теңге ілу, жамбы ату деген спорт түрлері үшінші кезеңнен мектеп бағдарламасына қосылатын қатарға жатады.  

Данияр Қайыртай


Хабарламаларға жазылу