2020 жылдың басты саяси оқиғалары талқыланды

«Тұрақсыз әлемдегі тұрақты мемлекет: Тоқаевтың 2020 жылғы жеті басты ісі». Бүгін саясаттанушылар осы тақырыпта пікір алмасып, биыл жүзеге асқан негізгі өзгерістерге тоқталды. Атап айтқанда саяси бағыттың сабақтастығы. Сондай-ақ саяси, экономикалық және әлеуметтік реформаларды жүргізу мен оның нәтижесі туралы баяндады. Тиімді дағдарыс-менеджмент, тағы мемлекет пен қоғам арасындағы өзара сенімді байланысты нығайту мәселелері көтерілді.    

Ерлан Саиров, саясаттанушы:

Енді жыл қорытындысында Қазақстан тұрақсыз әлемдегі тұрақты мемлекет деп айтуға толық негіз бар. Халықтың әлеуметтік жағдайы басқа елдерге қарағанда төмендеген жоқ. Сосын елде саяси реформалар жүзеге асты. Және негізгісі дүниежүзілік өнім 5-6 пайызға төмендейтін болса Қазақстанда оның деңгейі 1-1,5 пайыз болып отыр.

Қазбек Майгельдинов, саясаттанушы:

Саяси реформалар жүргізу бойынша алғашқы бірінші пакеті қабылданды. Бұл пакеттің маңыздылығы қандай? Біріншіден, көп заң қабылданды. Бірақ саяи бағыттарға байланысты, сайлауға, саяси парияларға байланысты заңнамалар жаңа заман ағымына қарай жаңартуды талап етіп отыр. Бұл тек қана бастама. Жақында Жолдауда Президент айтып кетті. Саяси реформалар жалғасады. Келесі жылы екінші пакеті енгізіледі.   

Нысаналы Ығыл