Павлодарда барлық мектеп қашықтан оқытуға көшті

Павлодар облысы COVID-19 вирусын жұқтырғандар саны бойынша алдыңғы орынға шықты. Ресми дерек бойынша, соңғы тәулікте облыста ауруға шалдыққан 106 адам анықталды. Сырқаттардың күн сайынғы өсімі 1,6 пайызы құрайды. Бүгіннен бастап барлық мектептер кезекші сыныптарды жауып, қашықтан оқытуға кірісті. Себебі короновирустың таралуы оқушылар арасында жиілеп кетті. Қараша айында 30-дан аса мұғалімдер мен мектеп ішіндегі қызметкерлер ауырған. 

Александр Сафяников, қалалық Санитарлық-эпидемиологиялық бақылау басқармасының басшысы:
Балалар жиналатын ұжымдарда ауру деңдеп барады. Бүгінгі күні 200-ден аса жеткіншек жұқтырған. Бұл соңғы тіркелгендердің 15 пайызын құрайды. Сондықтан балалардың топтасуына жол бермеу мақсатында мейлінше шектеулер қойып жатырмыз. Тіпті, далада, ойын алаңдарында, қысқы спорттық базаларда әлеуметтік қашықтықты сақтау қатаң талап етіледі.

Болат Аманбаев