2021 жылы жылжымайтын мүлік кадастры іске қосылады

Жер теліміне құжат беру мерзімін 1 жылдан 20 күнге дейін азайту қажет. Бүгін Премьер-Министр Асқар Мамин осындай тапсырма берді. Үкіметте агроөніркәсіп кешені мен жер қатынастарын цифрландыру мәселесі қаралды. Ауыл шаруашылығы министрі жер қатынастарын реттеу үшін келесі жылы арнайы кадастр іске қосылатынын жеткізді. Осы арқылы жер телімдерін бөлу ісі толықтай автоматтандырылмақ. «Бұл бармақ басты көз қыстыға жол бермейді», - дейді Сапархан Омаров. Ал агроөнеркәсіп кешенін цирфрландыру ауыл шаруашалығы өнімін 20 пайызға арттырып, фермерлердің шығынын 15 процентке азайтпақ. 

Асқар Мамин, ҚР Премьер-Министрі:

Еліміздің АӨК цифрландыру өнім өндіруге жұмсалатын шығындарды азайтып, оны сапасы мен бәсекеге қабілеттілігін арттыруға мүмкіндік береді. Жалпы ауыл шаруашылығы мақсатындағы 100 млн гектардан астам жер 5 жылдың ішінде цифрландырудан өткізіледі. 

Досжан Маратұлы