Жаңалықтарды Telegram арнамыздан оқыңыз!Қостанай облысының Сарыкөл ауданында балабақша карантинге жабылды. Індет бес жасар баладан және балабақшаның жеті қызметкерінен анықталды. Олар тәрбиеші, аспаз және медицина мамандары. Ауру жұқтырғандар қазір үйлерінде ем қабылдап жатыр. Жағдайлары қалыпты. Індет шыққан балабақшада 105 баладан тұратын жеті кезекші топ болған.
Зәуре Байменова, облыстық Білім басқармасының басшысы:Екі апталық карантинге жабылды балабақша. 20 қарашадан 4 желтоқсанға дейін. Қазіргі таңда балабақша ішінде дезинфекциялау жұмыстары жүргізіліп жатыр. Ауырғандармен қарым-қатынаста болған қызметкерлер, тәрбиеленушілер бәрі бақылауға алынды.
Дәуренбек Әбдібек
