Коронавируспен күресу үшін Қазақстан сырттан 1,5 млрд еуро қарыз алады

24.11.2020

Қазақстан сырттан 1,5 млрд еуро қарыз алады. Оның 908 млн-нан астамы Азия даму банкінің қаржысы. Бұл ақша COVID-19-ға қарсы күрес және экономиканы қалыпқа келтіру үшін жұмсалмақ. Қарыздың 50 пайызы 3 жылдық жеңілдік кезеңін қоса алғанда, 10 жылда өтелуі керек. 

Ал қалған жартысы 3 жылдық жеңілдік кезеңімен 5 жылға беріледі. Сондай-ақ, Қазақстан Азия инфрақұрылымдық инвестициялар банкінен де 661 млн еуро қарыз алмақ. Оның өтемі 3 жылдық жеңілдік кезеңін қоса алғанда, 10 жылда қайтарылуы керек. 

«Қарызды өтеу республикалық бюджет есебiнен жүзеге асады»,- деді Қаржы министрі Ерұлан Жамаубаев.

Ақниет Балтанова 


Коронавирус Қазақстан

Хабарламаларға жазылу