Жаңалықтарды Telegram арнамыздан оқыңыз!Қызылордада қараша айынан бастап індет жұқтырғандар саны көбейген. «Егер эпидахуал нашарлай түссе, карантин талаптары қатаңдатылады», - дейді аймақтың бас санитар дәрігері. Әсіресе, соңғы аптада жұқпалы кесел 17 адамнан анықталып, көрсеткіштің күрт өскені мамандарды алаңдатып отыр. Бұл карантин талаптарына бейғам қараудың салдары. Мәселен, шілде айынан бері эпидемиологиялық-санитарлық шараларды сақтамаған қоғамдық тамақтану орындары мен кәсіпкерлік нысандарға 40 миллион теңгеден астам айыппұл салынды. Соңғы уақытта көпшілік ортада маскасыз жүретіндер де көбейген.
Әлия Әбдіқайымова, облыстық санитарлық-эпидемиологиялық бақылау департаментінің басшысы:
Эпидемиологиялық маусым бұл. Сосын қауіп күннен-күнге үдеп келе жатыр. Сондықтан біз сақтық шараларын күшейтуіміз қажет.
Әділбек Серікұлы
