Жаңалықтарды Telegram арнамыздан оқыңыз!Өңірлерде мүгедектер мәселесі түбегейлі шешілмей отыр. Ақтөбеге арнайы барған «Халық үні» жобасының авторы Айман Омарова осы санаттағы адамдардан түсетін сауалдардың көп екенін айтады. Мүгедектермен қоса көпбалалы аналардың да баспана алу, тұрақты жұмысқа орналасу секілді мәселелері мемлекеттік деңгейде назар аударуды қажет етеді. Кездесуге келген халыққа құқықтық, әлеуметтік салалар бойынша кеңес берілді. Айман Омарова бұл жұмыстың қазірдің өзінде өз жемісін бере бастағанын айтады.Осы уақытқа дейін 3 миллиондай адам қамтылып, «Адал көмек» жобасы аясында 30 мың тұрғынның мәселесі назарға алынған.
Айман Омарова, «Халық үні» жобасының авторы:Әр жерге барып келген кезде қорытындысын шығарып отырамыз. Хаттама ретінде. Президент Әкімшілігіне жіберіп отырамыз, біріншісін жібердік. Мәселелерді көрдік. Ал келесі жылдан бастап нақты жоспарлап, қай жерге қалай барып, бәрін санап отырамыз.
Жақсыбек Кемал
