Болгарияда Абай мен әл-Фараби бейнеленген пошта маркасы шығарылды

20.11.2020

Болгарияда Абайдың 175 жылдығы мен Әбу Насыр әл-Фарабидің 1150 жылдығына орай мерейтойлық пошта маркасы шықты. Қос ғұламаның суреті бейнеленген мерейтойлық марканы болгарлар енді күнделікті хат алмасуда қолданады. Құны 0,65 левов, бізше 165 теңге. 

Шарада сөз алған Парламент төрағасы Цвета Караянчева Абай мен әл-Фарабидің әлемдік өркениетке қосқан өлшеусіз үлесіне тоқталып, ұлы тұлғалармен болгар жұртын таныстыру үлкен мәртебе екенін атап өтті. Еліміздің осы мемлекеттегі елшісі болгар тілінде шыққан Абайдың қара сөздерін, Жақыпбек Алтаевтың әл-Фараби туралы туындысы мен DVD дисктегі «Құнанбай» фильмін Парламент кітапханасына табыстады.

Нұрсұлу Қасым

Хабарламаларға жазылу