ШҚО-да 30 градус аяз: Мектептерде сабақ тоқтады

19.11.2020

Шығыс Қазақстанда күн күрт суытып, мектептерде сабақ тоқтатылды.  

Берік Көшербай, тілші:
Кешеден бері Шығыста қыс қаһарына мінді. Соңғы бір-екі күннен бері облыстың солтүстік, батыс және орталық аймағында шыңылтыр аяз қысып тұр. Мысалы, өткен түнде Бородулиха ауданында сынап бағанасы -30 градусқа дейін төмендеді. Сол себептен, төрт ауылда бірінші ауысымда білім алатын бастауыш сыныптарға сабақ болған жоқ. 

Сонымен қатар, Риддер қаласында өткен түнде сынап бағанасы -26 градусты көрсетті. Шағын шаһарға қарайтын Бутаково және Поперечное ауылында сабақ доғарылып, 1-ден 9-шы сынып оқушылары мектепке бармады. Казгидрометтегі мамандардың мәліметі бойынша, алдағы түнде де кей жерлерде 25-30 градусқа дейін аяз болып, содан кейін ғана күн біртіндеп жыланады.

ШҚО

Хабарламаларға жазылу