Дәрігерлер коронавирустан сақтануға кеңес береді

Ел болып сақтану шараларын толық орындамайынша, бүгінгі күні үдеп бара жатқан жұқпалы дертті бәсеңдету қиын болмақ. Сол себепті еліміздегі дәрігерлер халықтан карантин талаптарын қатаң ұстануға шақырады. 

Мыңжылқы Бердіходжаев, Алматы қаласы Орталық клиникалық ауруханасының нейрохирургия орталығының меңгерушісі:
Бұл індеттен сақтанудың шаралары бұрыннан белгілі, ол бетперде тағу, әлеуметтік арақашықтықты сақтау. Жеке бастың гигиенасы және мүмкіндік болса, жұмысты қашықтан істеу керек. Егер адам сырқаттанып тұрса немесе сырқаттанған адаммен қарым-қатынас жасаса, барынша сақтануы тиіс. 

 Жақсылық Досқалиев, медицина ғылымдарының докторы, профессор:
Бетперде тағып жүру керек. Далаға шыққанда, халықтың арасында.  Қолды жуып тұру керек.