Жол, су, газ жоқ. Қостанай облысында ел көшіп, ауылдар азайып жатыр

Солтүстік өңірлерді бейнелеп айтқанда жалаңаштамау, бір жолы ретінде халық тығыз қоныстанған оңтүстік аймақтардан адам көшіру туралы айтылады. Тіпті бағдарлама да қабылданған. Бірақ мыңдаған шақырым тастап көшіп баратындай емес, жағдай жоқ та жерлер бар.  

Қостанай облысында жолдың нашарлығынан, орталықтандырылған су жүйесінің жоқтығынан, газдың жоқтығынан, қазақстандық ұялы байланыстың тартпайтынын да ел көшіп, ауылдар азайып жатыр. «Бос жер жау шақырады» деген селк еткізетін сөз бар.

Қостанай облысының Ресеймен шектесетін 8 ауданының бірі - Меңдіқара. Өңірдегі тілшіміз Дәуренбек Әбдібек осы аудандағы шекара сызығы бойына орналасқан ауылдарда болып, ел шетіндегі жұрттың бүгінгі тірлігімен танысып қайтқан. Репортажы.