Жаңалықтарды Telegram арнамыздан оқыңыз!Ұлы Абайдың 175 жылдық мерейтойына орай ақынның қара сөздері өзбек тіліне аударылды. Сондай-ақ шығыстың ғұламасы Әлішер Науаидің «Хамса» еңбегі қазақ тіліне тәжімаланып, елордада қос кітаптың тұсаукесері өтті.
«Хамса» - Әлішер Науаидің бес дастаннан тұратын еңбегі. Оның екеуін яғни «Ләйлі-Мәжін» мен «Ескендір қорғанын» қазақтың белгілі ақыны Несіпбек Айтұлы аударды. Ал Абайдың қара сөздерін өзбек тіліне тәжімалаған профессор Қазақбай Юлдашев.
Игі жақсылар бас қосып, көпшілікке таныстырған туындылар екі ел арасындағы әдеби және мәдени байланыстардың алтын көпірі болмақ. Аталмыш шараға Халықаралық Түркі академиясы ұйытқы болды.
Мәулен Әшімбаев, ҚР Парламенті Сенатының төрағасы:
Абай Әлішер Науаиді өзінің рухани ұстазы санап, оның өлеңдерінен тағылым алғанын бәріміз жақсы білеміз. Осы тұрғыдан келгенде екі бірдей кемеңгердің еңбектерін қатар аударудың символикалық мәні бар деуге әбден болады.
Ақниет Балтанова
