СҚО-да мектеп-интернат оқушылары коронавирус жұқтырды

Солтүстік Қазақстан облысындағы Мамлют санаторлық мектеп-интернатының 2 оқушысынан коронавирус инфекциясы анықталды. 

Жалпы, бұл білім мекемесінде туберкулез ауруына шалдыққан балалар оқиды. Қазіргі күні Мамлютка қаласының өзі карантинге жабылған.

Сағындық Сәбитұлы, тілші:

Мамлют қаласындағы санаторлық мектеп-интернатының екі оқушысы коронавирус жұқтырғаны анықталды. Олар 2004 және 2014 жылы туған балалар. Осыдан біраз уақыт бұрын, респираторлық және энтеровирустық инфекцияға шалдықты деген күдікпен екеуі облыстық балалар ауруханасының жұқпалы аурулар бөліміне жатқызылған. Тескеріс барысында инфекция жұқтырғаны расталды. Қазіргі күні олармен байланыста болған 17 адам анықталып, дәрігерлер бақылауына алынды. Жалпы, 1 қыркүйектен бері облыста 32 оқушының қауіпті дертке шалдыққаны белгілі болды. Олардың 17-сі мекептке барып жүрген, 15-і қашықтан оқыған.