Күріш шаруашылығын жетілдіру қажет - «Ауыл» партиясы

Сыр өңірінде күріш шаруашылығын жетілдіру қажет. «Ауыл» халықтық-демократиялық партиясы осы бағытта аймақ диқандарына қолдау білдіруге әзір.  

Соңғы жылдары күрішшілер судан таршылық көріп келеді. Биыл мыңдаған гектар алқапқа су жетпей, шаруалар қып-қызыл шығынға батты. Өзекті мәселені көтерген «Ауыл» партиясының белсенділері оның шешу жолдарын күріш өсіру институтының ғалымдарымен талқылап, ой-пікірлерін ортаға салды. Басқосуда аз сумен де бітік өнім алуға болатыны айтылды. Ол үшін аймақ диқандары егін егуде озық технологияларды кеңінен пайдаланып, ерте пісетін күріш сорттарын өсіруге бет бұру керек. 

Әділбек Серікұлы