Жаңалықтарды Telegram арнамыздан оқыңыз!Базардағы саудагерлер карантин талаптарын сақтамайды. Сауда орындарын аралап шыққан Алматы облыстық қоғамдық бақылау тобының мүшелері осылай деді. Мониторингтік топ демалыс күндері қоғамдық тамақтану орындарына, сауда үйлеріне, сұлулық салондары мен көлік жуатын орталықтарды тексерді.
Сондай ақ құрылыс материалдарын сататын базарлардың жұмысымен танысқан. Топ өкілдері сұлулық салондары ғана карантин талаптарын сақтап отырғанын жеткізді. Киім сататын және көлік жуатын орындарда да тәртіп бар. Бірақ халық көп жиналатын базарларда санитарлық норма сақталмай тұр.
Дильмира Брац, Қоғамдық бақылау тобының Алматы облысы бойынша өкілі:Біз тексеру жүргізген барлық жерде санитайзерлер, антисептиктер және кіреберіске төселетін санитарлық кілемшелер жоқ. Бүгін барлығына ауызша ескерту жасадық. Кез келген уақытта қайта тексеру жүргізетін боламыз. Келесі жолы жеңілдік болмайды.
Қуан Нұрақын
