Құс тұмауы: Құжаттары заңды шаруалардың бәріне өтемақы төленеді

ҚР Ауыл шаруашылығы министрі Сапархан Омаров брифинг барысында құс тұмауына қатысты сұрақтарға жауап берді. 

«Құс тұмауының өршу шамасы тоқтады. Республика аймағындағы фабрикаларда құс тұмауы жоқ. Жеке шаруашылықтарда төмендеп келе жатыр. Солтүстік Қазақстан, Қостанай, Шығыс Қазақстан, Жамбыл, Ақмола облыстарында құстардың қырылуы төмендеді. Қазір әр облыс бойынша әкімдіктерде жұмысшы топтар құрылып, қырылған құстардың есебін шығарып, өтемақы төлеуге дайындық жасалып жатыр. Өтемақы төлеу үшін қаражат  дайын. Қаржы жұмыс тобының шешімімен төленеді», - дейді министр.   

Қазақстан бойынша  593 мың құс қырылған. Оның ішінде жеке шаруалықтарда 24-те 8 мың бас. Құс фабрикаларында 308-де 5 мың бас. Тауықтың өтемақысы 944 теңгеден басталады. Қаздар 5321 теңге, үйректер 2744 теңгеге бағаланып отыр.