Шымкентте соңғы 4 тәулікте COVID-19 жұқтыру дерегі тіркелген жоқ

Шымкентте соңғы тәулікте коронавирус жұқтырған бірде-бір адам тіркелмеді. Сондай-ақ бес өңірде: Алматы, Түркістан, Маңғыстау, Ақтөбе және Қызылорда облыстарында да тап осындай жағдай.

Соңғы статистикалық мәліметтерге сүйенсек, елімізде кешегі күні 59 адамның COVID-19 жұқтырғаны анықталған. Ал 72 науқас жазылып, үйлеріне қайтарылған. Өкінішке қарай, 3 адам көз жұмды. Мамандардың айтуынша, індетті жұқтыру дерегінің басым бөлігі Шығыс Қазақстан облысына тиесілі. Мұнда 14 тұрғын коронавирусқа шалдығып, ауруханаға жатқызылған.

Айнұр Ақбаева