Жұмыспен қамту бағдарламаларын жетілдіру керек - ҚКХП

Халықты жұмыспен қамтуға арналған мемлекеттік бағдарламаны әлі де жетілдіру қажет.

Қазақстан коммунистік халықтық партиясы осыған дейінгі бастамалар ойдағыдай іске аспады және бөлінген қаржы дұрыс игерілмеді деп есептейді. Мәселен, соңғы 10 жылда осы мақсатта 750 миллиард теңге жұмсалған. Алайда жұмыссыздар саны азайған жоқ. Тіпті соңғы 7 айда жұмыссыздық 8 есеге өскен. Өйткені «Еңбек» пен «Жол картасы» аясында ашылған орындардың дені жол жөндеу, сияқты маусымдық жұмыстар.

Нұрдәулет Оразханов, ҚКХП Нұр-Сұлтан қалалық комитетінің бірінші хатшысы:
Яғни, ол азаматтар үш айдан сол салада жұмыс істейді. Бірақ үш айдан кейін тағы жұмыссыз қалады. Ондай жағдайлар болмау керек. Сол себептен өндіріс орындарын аудан орталықтарында ашу керек.

Амангелді Сейітхан