Таулы Қарабақ: БҰҰ Қауіпсіздік кеңесі тараптарды келіссөз жүргізуге шақырып отыр - «Qazaqstan» Ұлттық телеарнасы

Таулы Қарабақ: БҰҰ Қауіпсіздік кеңесі тараптарды келіссөз жүргізуге шақырып отыр

30.09.2020

Таулы Қарабақтағы қақтығыстар төртінші күнге ұласты. Біріккен Ұлттар Ұйымының Қауіпсіздік кеңесі аймақтағы шабуылды тоқтатып, тараптарды келіссөз жүргізуге шақырып отыр. Әзірбайжан дүйсенбіде әскери міндеттілерді қызметке шақырған соң, жүздеген адам борышын өтеуге ерік білдіріп жатыр. Қосымша күштерді жұмылдыруға Армения мен Таулы Қарабақ та кіріскен. Ереван 18 жастан асқан ер адамдарға елден кетуге тыйым салды.

Кеше Армения өзінің Су-25 әскери ұшағын түріктің F-16 жойғыш ұшағы атып түсірді деп мәлімдеді. Соның салдарынан пилот қаза тапты. Әрі Ереванның мәлімдеуінше Түркия Сириядан 4 мыңдай сарбазды Әзірбайжанға көмекке жіберген. Алайда, Анкара да, Баку да бұны жоққа шығарып отыр.

Жансая Қапасқызы

Таулы Қарабақ Әзірбайжан армения соғыс

Хабарламаларға жазылу