Еуроодақ елшілері елордада тал екті

Еуроодақ мемлекеттерінің елшілері ЭКСПО аумағында көшет екті. Осылайша дипломаттар өзара экологиялық бағыттағы жұмыстарды күшейте түсуге ниет танытып отыр. Осы уақытқа дейін Еуроодақ Қазақстандағы жасыл экономиканың дамуына өз септігін тигізіп келеді. Мәселен, 2015-2018 жылдары 7 миллион еуроға кешенді бағдарлама жүзеге асырылған болатын.

Свен-Олов Карлссон, Қазақстандағы Еуропалық одақ елшісі:

Біз екіжақты және аймақтық жасыл бағдарламаларымыз арқылы Қазақстанның бұл жетістіктеріне үлес қосқанымызды мақтан тұтамыз. Қоршаған орта мен жасыл экономика саласындағы ынтымақтастық – 2020 жылдың наурыз айында күшіне енген Қазақстан мен ЕО арасындағы Кеңейтілген әріптeстік пен ынтымақтастық туралы келісімнің басты бағыттарының бірі.