Жаңалықтарды Telegram арнамыздан оқыңыз!Ертіс өңірінде үй құстары жаппай қырылып жатыр. Бүгінгі күні төрт ауданда 2869 үй құсы өлген. Павлодар облысының тағы бір ауданында құс тұмауы тіркелуі мүмкін деген болжам бар. Ертіс ауданына қарасты Ағашорын ауылында 56 құс өлген. Сала мамандары өлекселерден және тірі құстардан сынама алып, Нұр-Сұлтан қаласындағы зертханаға жіберді.
Рашид Нұрбеков, Ветеринарлық бақылау және қадағалау комитеті аумақтық инспекциясының жетекшісі:
- Бүгін немесе ертең сараптама нәтижесі шығады. Сондай-ақ Железин ауданының Жаңа жұлдыз ауылында да 11 құс өлексесі табылды. Зертханалық сараптама олардың ағзасында құс тұмауы қоздырғыштарын жоқ екендігін көрсетті. Кеше Еңбекші ауылында 5 жабайы фауна атып алдық . Оның үшеуінде құс тұмауы анықталды.
Болат Аманбаев
