«Nur Otan» партиясы зейнетақы жинағын алу кезінде ұсталатын 10% салықты алып тастауды ұсынды

Зейнетақы жинағын алған кезде 10 пайыз салық ұсталмауы тиіс. «Nur Otan» партиясы бұл талапты алып тастауды ұсынды. Партия фракциясының мүшесі Артур Платонов осыған қатысты заңнамаға өзгерістер енгізу қажет деп отыр. Өйткені бұл халықты әлеуметтік қолдауға бағытталған шара. Сондықтан зейнетақы жинақтарының бір бөлігін пайдалану кезінде ерекше жағдайлар қарастырылуы қажет деп есептейді ол. 

Естеріңізге сала кетейік, Мемлекет басшысы биылғы Жолдауында зейнетақы қорының бір бөлігін пайдалануға беру міндетін қойған болатын. Ал қазіргі салық кодексіне сәйкес, зейнетақы жинақтарының мерзімінен бұрын алынған бөлігіне 10 пайыздық табыс салығы салынады. 

Асима Нұрбайқызы