Жаңалықтарды Telegram арнамыздан оқыңыз!Бурабайдағы «Айқанат» мектебінің басшылығына айыппұл салынды. Өйткені Білім және ғылым министрі Асхат Аймағамбетовтың қатысуымен өткен мектептің ашылу салтанатында санитарлық талаптар сақталмаған. Шараға қатысқан 100-ден астам адам медициналық маскасыз тұр. Ішінде кәсіпкер Айдын Рахимбаев та бар. Енді ашылмай жатып дауға қалған білім ошағының басшылығы айыппұл төлеуі тиіс.
Айнагүл Мусина, Ақмола облыстық тауарлар мен көрсетілетін қызметтердің сапасын бақылау департаментінің басшысы:
- Коронавирустың таралу қауіпіне байланысты енгізілген санитарлық ережелер сақталмаған. Бұған бей-жай қараған мектептің жауапты тұлғалары 638 мың теңге көлемінде айыппұл төлейді.
Досжан Маратұлы
