Карантин тәртібі тағы жеңілдеді

Бизнес нысандар демалыс күндері де жұмыс істейді. Мұндай шешім Вице-Премьер Ералы Тоғжановтың төрағалығымен өткен Ведомствоаралық комиссияның отырысында қабылданды. 

Атап айтсақ, сұлулық салондары, шаштараздар, фитнес-орталықтар, спорттық-сауықтыру орталықтары, спорт кешендері, СПА-салондар мен сауналар ашық болады. Сондай-ақ, бассейндерге баруға рұқсат. Тек алдын ала жазылу шарт. Сенбі-жексенбіде діни нысандар да жұмысын жалғастырады. Өзге де жағымды жаңалық, медициналық маскалардың шекті бөлшек сауда бағасы 80 теңгеден 60 теңгеге дейін төмендеді. Сондай-ақ, үшінші тоқсанда атаулы әлеуметтік көмек тағайындалғандарға төлем беру ұзартылады. 

Фариза Мұсақызы