Петропавлда желтоқсан айынан бастап жолақы қымбаттамақ

Петропавлда жолақысы қымбаттауы мүмкін. Автобустарда электронды жүйе арқылы төлейтіндер үшін сол бұрынғы тариф сақталады. Яғни, ересектер 80, балалар 40 теңгеден есеп айырысады. Ал, қолма-қол ақшамен есеп айырысса, ересектер 130, балалар 65 теңгеден төлейді. Қаулыға сәйкес 1-ші желтоқсаннан бастап электронды жүйеге көшу жоспарланған. 

Асқар Хабибуллин, қала әкімінің орынбасары:

- Электронды билет беру жүйесін енгізу барысында дифференциалды тариф енгізіледі. Бұл - Алматы, Нұр-Сұлтан қалаларында қолдалынатын тәжірибе. Осының арқасында күн сайынғы жолаушылар санын анықтай аламыз. Сондай-ақ, валидатор істемей қалған жағдайда жолаушы тегін жүреді. Жалпы, жыл соңына дейін 100 автобус сатып алу көзделген. 

Сағындық Сәбитұлы