Жаңалықтарды Telegram арнамыздан оқыңыз!Жапония билігіндегі партия жаңа премьер-министрдің кандидатурасына дауыс беріп жатыр. Денсаулығына байланысты отставкаға кеткен Синдзо Абэнің орнына үкіметтің қазіргі бас хатшысы Йошихиде Суга келеді деген болжам бар.
71 жастағы үміткер - Абэнің жақын одақтасы, сондықтан ол экс-премьердің саясатын жалғастырмақ.
Құлпынай фермерінің баласы Суга – ардагер саясаткер. Ол әлемнің үшінші экономикасын 2021 жылы қыркүйекте өтетін парлементтік сайлауға дейін басқаруы мүмкін.
Оның кандидатурасы ертең парламенттен де өтетініне күмән шамалы. Өйткені, заң шығару органында Суганың партияластары – либерал-демократтар басым дауысқа ие.
Арыстан Рысбек
