Қазақстандық дипломаттар Норвегияда өткен ядролық қаруға қарсы велошеруге қатысты

Норвегияда «Бейбітшілік үшін велосипедшілер» қозғалысы ядролық қарусыз әлемді қолдауға бағытталған велошеру ұйымдастырды. Шараға Норвегия үкіметінің өкілдері, парламент депутаттары мен осы мемлекеттегі Қазақстан елшілігінің қызметкерлері қатысты. Велошеруге қатысушылар елдің Осло, Акерхус қалаларын аралап, «Ядролық қаруға жол бермеу» ұйымының жетекшілерімен, жергілікті халықпен кездесіп, жойқын қарудың зардабы жайлы әңгімелесті. Норвегиялықтар қазақстанның тұңғыш Президентінің, қазақ елінің антиядролық бастамаларына жоғары баға беріп, барынша қолдау көрсетуге дайын екендерін жеткізді.

Нұрсұлу Қасым