Елімізде салық төлеуден жалтарып жүргендердің тізімі шықты

Мемлекеттік кірістер комитетінің мәліметінше, олардың жер, көлік және мүлік салығы бойынша жалпы қарызы - 263 млн 845 620 теңге. Тізімде көш бастап тұрған Алматы қаласының тұрғыны. 11 миллион теңгеге жуық көлік салығын төлемеген.

Жер салығы бойынша Ақтөбелік тұрғын 723 мың, мүлік салығы бойынша елордалық азамат 1 млн 165 мың теңге салық төлемеген.

Толық тізімді және салық берешегінің бар-жоғы туралы мәліметті Мемлекеттік кірістер комитетінің сайтынан білуге болады. Ведомства алдағы уақытта жауапсыз салық төлеушілер тізімін жариялауды жалғастырмақ.

Саламат Омаш