Павлодарда карантин режимін бұзған 400 дерек анықталды

13.08.2020

Павлодарда карантин режимін бұзған 400 ге тарта дерек анықталды. Әсіресе той тоқтар емес. Кеше қаланың қақ ортасындағы мейрамханалар бірінің қожайыны 25 адамды қонақ қылып, туған күнін жасаған. Айғай-шудан мезі болған тұрғындар полицияға шағымданған. Арнайы мониторинг тобы келіп, даңғазаны зорға тоқтатты. Сондай ақ, рейд кезінде қор-қор тартатын бірнеше орын анықталды. Олар келушілерді жеке төлқұжаты арқылы қабылдап, ішке құпия пароль арқылы кіргізіп отырған.

Жасқайрат Қайыров, Полиция департаменті бастығының бірінші орынбасары:

Осы уақыт аралығында карантиндік шектеулерге бағынбау бойынша 15 жағдай анықталды. Кальян тартуға рұқсат берген ғимарат қожайынына да, кальян тартқан тұрғындарға да әкімшілік хаттама толтырылады.

Болат Аманбаев 

Хабарламаларға жазылу