Басты Жаңалықтар ОҚО: Сарыағаш ауданында мал ұрлығы тыйылмай тұр

ОҚО: Сарыағаш ауданында мал ұрлығы тыйылмай тұр

02.06.2014 08:00

Сарыағаш ауданында мал ұрлығы тиылмай тұр. Жыл басынан бері ауданда 48 мал ұрлығы тіркелген. Осыған тосқауыл қою мақсатында аудан прокурорлары мен тәртіп сақшылары шұғыл әрекетке көшті.

Үлкен жолдар бойында мал тиеген көліктерге тексеру жүргізіп, төрт түліктердің құжаттарын тексерді. Сондай-ақ, мал базарларында кезекшілік етіп, сойылған малдың да иесін іздестірді.

Осының арқасында жуырда 10 адамнан құралған қылмыстық топ ұсталды. Олар жылқыларды үйірімен, ал, ірі қара мен ұсақ малдарды қоралардан ұрлап келген. Әрі қолды болған төрт түлікті далада ұстап сойып, етін өзге қалаларға апарып сатқан.

Қазіргі уақытта топтың жеті мүшесі қамауда. Қалған үшеуіне іздеу жарияланды.

Күдікті:

75 мың теңге беретін. Бұл жолы 10 мың теңге берді.

Алмас Меңлібаев, Сарыағаш ауданы прокурорының орынбасары:

13 мал иелеріне қайтарылып берілді. Сойылған малдың еттері Сайрам ауданына, Алматы қаласына жіберілген.

Қазірдің өзінде бұл топтың 24 фактіге қатысы бары анықталды. Мал иелеріне келген шығын көлемі 20 миллион теңгеден асады. Қылмыстары дәлелденсе, 7 жылдан 15 жылға дейін бас бостандығынан айырылады.

Айнұр АҚБАЕВА

Автор

Айнұр Ақбаева

Бөлісу