Жаңа оқу жылында бастауыш сынып оқушылары үшін кезекші сыныптар ашылады - «Qazaqstan» Ұлттық телеарнасы

Жаңа оқу жылында бастауыш сынып оқушылары үшін кезекші сыныптар ашылады

04.08.2020
Жаңа оқу жылында бастауыш сынып оқушылары үшін кезекші сыныптар ашылады

2020-2021 оқу жылында бастауыш сыныптар үшін кезекші сыныптар ашылатын болады. Бұл туралы Үкімет отырысында Білім және ғылым министрі Асхат Аймағамбетов мәлімдеді.

«Жаңа оқу жылына дайындық қарқынды жүріп жатыр. Елдегі санитарлық жағдайға байланысты 1 қыркүйектен бастап оқу жылы жалпы қашықтан оқыту форматында басталады. Қабылданған шешімге сәйкес, бұл жерде екі ерекшелік бар. Біріншіден, шалғайдағы елді мекендердегі шағын жинақталған мектептер эпидемиялық ахуал жақсы болған жағдайда оқуды дәстүрлі түрде бастайды. Екіншіден, бастауыш сынып оқушылары үшін ата-аналардың өтініші негізінде қатаң санитарлық талаптарды сақтай отырып, кезекші сыныптар ашылады»,- деді министр.


Хабарламаларға жазылу