Дала мен орман өрті өршіп тұр

Өрт сөндірушілер дабыл қағып жатыр. Осы уақытта елдің бірнеше аймағында ормандар мен алқаптар өртке оранды. Кешегі түннен бастап өрт 12 жерден шықты. Дәл қазір Қостанай, Павлодарда екі орман және Ақтөбеде, Шығыс-Қазақстан мен Қарағанды облыстарында 3 алқап тілсіз жаудың құрсауында. Оқиға орындарына төтенше жағдай қызметінің барлық күші тартылды. Одан бөлек өрт сөндірушілерге еріктілердің де көмегіне жүгінуге тура келген. Мамандар өрт адамдардың салғырттығынан болып жатқанын айтады.