Оттегі концентраторын шекарадан заңсыз алып өтпек болғандар ұсталды

Оттегі концентраторларын Өзбекстанға заңсыз алып өтпек болғандар ұсталды. «Атамекен» және «Қазығұрт» кеден бекетінде тексеру жүргізген Түркістан облыстық экономикалық тергеу департаменті заңсыз тасымалдың жолын бөгеді. Олар Ресейден Өзбекстанға жүк әкеле жатқан Volva және МАN маркалы көліктерін тексеріп, олардан 7 бірдей оттегі аппаратын анықтаған. Алайда бұл жабдықтар кедендік деклорацияда көрсетілмеген. Оттегі аппараттарының әрқайсысының нарықтағы бағасы – 500 мың мен 900 мың теңгенің арасы. Яғни, шығын көлемі 25 млн теңгеден аспайды. Сондықтан мамандар қылмыстық іс қозғай алмайды.