Әлеуметтік желіде 42 500 теңгеге қатысты жалған ақпарат тарап жатыр - «Qazaqstan» Ұлттық телеарнасы

Әлеуметтік желіде 42 500 теңгеге қатысты жалған ақпарат тарап жатыр

16.07.2020
Әлеуметтік желіде 42 500 теңгеге қатысты жалған ақпарат тарап жатыр

Мессенджерлер мен әлеуметтік желілерде Мемлекеттік әлеуметтік сақтандыру қорынан 42 500 теңге мөлшерінде біржолғы төлемдерге өтінім қабылдау үшін сайттың іске қосылғаны туралы таратылған ақпарат шындыққа сәйкес келмейді, деп хабарлайды Еңбек және халықты әлеуметтік қорғау министрлігінің баспасөз қызметі.

«Қазіргі уақытта министрлік COVID-19 ауруына байланысты жағдайды тұрақтандыру үшін шектеу шараларының енгізілуіне байланысты кірісін жоғалтқан азаматтарға біржолғы төлемді жүзеге асыру қағидаларын әзірлеуде.

Біржолғы төлемді тағайындау үшін өтініштерді 17 шілдеден бастап қабылдау жоспарланып отыр. Біржолғы төлемді тағайындауды 20 шілдеден бастау жоспарланып отыр.

Азаматтардан жалған ақпаратқа назар аудармауын және ақпаратты тек ресми көздерден ғана алуын сұраймыз.

Жалған ақпаратты тарату заң бойынша жазаланатынын еске саламыз», - делінген ақпаратта.

Хабарламаларға жазылу