Қазақстанда бір адамға сатылатын дәрі-дәрмектің саны шектеледі

01.07.2020
Қазақстанда бір адамға сатылатын дәрі-дәрмектің саны шектеледі

Енді дәріханаларда бір адамға 2-3 қаптама дәріден артық берілмейді. 

Бұл туралы Денсаулық сақтау вице-министрі Людмила Бюрабекова айтты.

«Біз әкімдіктермен және бөлшектік сауда желілері қауымдастықтарымен меморандум жасадық. Яғни бір адамға препарат 2-3 қаптама күйінде, шектеулі түрде сатылатын болды. Себебі ем-дом курсына дәл сонша препарат керек. Үйде препараттар босқа жатып қалмауы керек. Себебі олардың әрқайсысының өз жарамдылық мерзімі бар», - деді ол. 

Сонымен бірге вице-министр бір үйде бірнеше адам ауырып жатса, дәрі-дәрмекті сату жағынан шектеу болмайтынын жеткізді. 

«Бұл - дәрігердің рецепті. Дәрігер ем-дом алу үшін тиісті курс бойынша пациентке дәрі жазып береді», - деді Л.Бюрабекова.


Хабарламаларға жазылу