Елімізде 4 аптаға ұлттық локдаун режимі енгізілмек - «Qazaqstan» Ұлттық телеарнасы

Елімізде 4 аптаға ұлттық локдаун режимі енгізілмек

30.06.2020

Денсаулық сақтау министрі Алексей Цой елдегі эпидемиологиялық ахуалды оңалтудың үш сценарийін ұсынды. Оның екеуінде ұлттық локдаун яғни белгілі бір аймақтарда кіріп-шығуды шектеу қарастырылған.

Бірінші сценарий мынадай: карантин енгізбесек тамыз айының соңына қарай COVID-19 індетін күн сайын 27 мың адам жұқтырады. Сәйкесінше, ауруханаларда 300 мың адамға төсек-орын қажет болады. Екінші сценарий, екі аптаға ұлттық локдаун жариялауды қарастарады. Бұл ретте ауруханаға жатуы тиіс науқастар саны күніне 7 мыңға жетеді. Яғни шілде айының соңында 80 мың төсек-орын дайындау керек. Ал үшінші сценарий бойынша 4 аптаға ұлттық локдаун жариялау. Сонда күніне 2500 адам тіркелеп, ауруханаларда қажетті төсек-орын саны 30 мың болмақ. Соңғы болжам әлдеқайда нәтижелі әрі тиімді.

Ақниет БАЛТАНОВА


Хабарламаларға жазылу